U mètiri
Canto di Mietitura a Sommatino
U mètiri (Canto di mietitura) – Sommatino(CL), 6 luglio 1954, registrato da Alan Lomax e Diego Carpitella.
Il brano è contenuto nella raccolta “ITALIAN TREASURY – SICILY” della collezione di Alan Lomax.
TESTO
la porta d’un firràru aperta è.
“O caru mastru, chi sta fannu a st’ura?”
“Fazzu na lancia e ttri puncenti chiova.”
“O caru mastru, nni la fari a st’ura,
di nnovu ti la pagu la mastrìa.”
“O cara donna, nu lu pozzu fari:
unni c’è Gesù cci mìntinu a mmia.”
“O caru mastru mi nni duni nova,
unn’è lu figliu amatu di Maria?”
“O cara donna, lu vulìti asciàri?
Lu stessu sangu v’impara la via.”
“O figliu, di sta cruci scinni!, scinni!,
chi cc’è la to mammuzza e t’addifenni.”
“O cara mamma binidicìtimi e gghitivìnni,
chi cc’è la santa cruci e m’addifenni.”
“Chiamàtimi a Ggiuvanni ca lu vogliu,
quantu mi duna un poco di cunsigliu…
…
Di neuru mi lu porta, lu chimmogliu,
ora cci crìu ca è mortu ma figliu.”
E l’acqua di lu mari si fici ògliu,
“Guardàtici lu Vènniri a ma figliu!”
E l’acqua di lu mari si fici ògliu,
“Guardàtici lu Vènniri a ma figliu!”
E ppi ddu voti cc’ha passatu
chiddu Ddiu chi l’ha criatu
ogni locu ‘i l’ubbìa,
scatta lu ‘nfernu e triunfa Maria!
E ppi ddu voti ludatu sia,
quannu passa Gesù, pensa Maria!
