Munasterio ‘e Santa Chiara
Frate Alessandro
Canto: Frate Alessandro
Chitarra: Fabrizio Fanini
Regia: Giuseppe Bruno Eight
Frate Alessandro in “Munasterio ‘e Santa Chiara“. Munasterio ‘e Santa Chiara è una canzone napoletana, scritta dal paroliere Michele Galdieri e dal musicista Alberto Barberis, la prima e la più famosa tra quelle del dopoguerra. Un ringraziamento speciale a Elisa, al Comune di Trevi e a Villa Fabri per aver condiviso con noi tanta bellezza.
TESTO
Dimane?… Ma vurría partí stasera!
Luntano, no… nun ce resisto cchiù!
Dice che c’è rimasto sulo ‘o mare,
Che è ‘o stesso ‘e primma… chillu mare blu!
Munasterio ‘e Santa Chiara…
Tengo ‘o core scuro scuro…
Ma pecché, pecché ogne sera,
Penzo a Napule comm’era,
Penzo a Napule comm’è?!
Funtanella ‘e Capemonte,
Chistu core mme se schianta,
Quanno sento ‘e dí da ‘a gente
Ca s’è fatto malamente
Stu paese… ma pecché?
No… nun è overo…
No… nun ce créro…
E moro cu ‘sta smania ‘e turná a Napule…
Ma ch’aggi”a fá?…
Mme fa paura ‘e ce turná!
Paura?…Sí… Si fosse tutto overo?
Si ‘a gente avesse ditto ‘a veritá?
Tutt”a ricchezza ‘e Napule… era ‘o core!
Dice ch’ha perzo pure chillu llá!
Munasterio ‘e Santa Chiara…
‘Nchiuse dint’a quatto mura,
Quanta femmene sincere,
Si perdévano ll’ammore,
Se spusavano a Gesù!
Funtanella ‘e Capemonte…
Mo, si pèrdono n’amante,
Giá ne tènono ati ciento…
Ca, na femmena ‘nnucente,
Dice ‘a gente, nun c’è cchiù!
No… nun è overo…
No… nun ce crero…
E moro pe’ ‘sta smania ‘e turná a Napule!
Ma ch’aggi”a fá…
Mme fa paura ‘e ce turná!
Munasterio ‘e Santa Chiara…
Tengo ‘o core scuro scuro…
Ma pecché, pecché ogne sera,
Penzo a Napule comm’era
Penzo a Napule comm’è?!
